Waziri wa Elimu, Sayansi na Teknolojia Prof. Adolf Mkenda amesema Serikali inaendelea na ujenzi wa shule mpya 103 za sekondari za amali.

.

"Kati ya shule hizo, shule 29 ni za amali za kihandisi na shule 74 ni za amali zisizo za kihandisi" alisema.

.

Prof. Mkenda ameyasema hayo alipokuwa akiwasilisha Hotuba ya Bajeti ya Wizara hiyo leo Mei 12, 2025 Bungeni Jijini Dodoma.

.

Aidha, Amesema mikopo kwa Wanafunzi wa elimu ya juu imeongezeka Kufikia Shilingi Bilioni 787.4 mwaka 2024/25 kutoka shilingi Bilioni 570 zilizotolewa mwaka 2021/22.

.

"Wanufaika wameongezeka kutoka Wanafunzi 177,925 mwaka 2021/22 hadi Wanafunzi 248,331 mwaka 2024/25 sawa na ongezeko la asilimia 39.6" alisema Prof.Mkenda.